{ ည}

*****

”လ မှုံမှုံ 

ည အမှောင်မှာ

လှကညာ ကို

မျှော်ကာစောင့်ရေ

ည ။

 

”နှင်းပေါက်ကြွီသံ

သူ့အသံလား

ထင်ရောင်မှား

ဝီခွဲမရရေ

ည ။

 

”သူပေါ်လာနိုး

မျှော်ကာကော့

စောင့်ခရရေ

ည ။

 

”သက်ထားကညာ

ပေါ်မလာ

ဘဝင်မအီး ရင်မှာမီး

ခံစားခရ သူ့ဘဝ

ရင်နာနာနန့်

ပြန်ခရရေ

ည ။

 

✍။။။

ရခိုင်လူမျိုး - AwngMyint Twan { ကျိန်းရိပ်မြီ }

 

• ”အလွမ်း    မိုး”

 

ရင်ထဲက ဝေဒနာ 

ဇာသူလာလို့ကုစား

အဖြေယှာမရရေ

ဒေဝေဒနာက

ရင်မှာတလတ်လတ်နန့်။

 

                         အကြင်နာ သွန်းဖြိုး

ဒေရင်မှာ လွမ်းမိုး 

ပျော်စရာ ဒေအချိုက်

မိုး။

 

အငြိုးနန့် ရွာဖြန်း

အဆုံးမဟှိ ဒေလမ်း

အယှုံး နန့် လျှောက်လှမ်း။

 

                                 ထာဝရအဖော် မဟုတ်ကေလေ့

တနားချေအပျော် အချိုက်ကားမဟုတ်

မာန်ဏနန့် သိက္ခာကို အယှုံးထား

နှလုံးအိမ်ထဲမှာ ကဗ္ဗည်းထိုး

မြတ်နိုး တွယ်တာမိခစော်...။

 

မခေါ်ချင်ကေလေ့

မျှော်တလင့်လင့်နန့်

မျှော်ကာကောလည်း

မျော်သူမှာမော ခေါ်လာနိုးနန့်

ဝေဒနာက မြှားပိုင်စူးခရေ။

 

မင်းသိဖို့လား 

ရင်ထဲကအပူ ဒေပိုင်ပူရေလို့

ဝေဒနာကို ပုံနှိုင်းပြလို့ထင်

ဒေရင်မှာ အပူမီးကို

အခါလွန်မိုးက မငြိမ်းသတ်နိုင်။

 

                              အောင်တိုဘာ/၆/၂၀၂၃

 

✍။။။ ရခိုင်လူမျိုး-AwngMyint Twan(ကျိန်းရိပ်မြီ)

 

{နှင်း}

*****

”နီရောင်လာစ မိုးထဖက်ချေမာ

 

မှုံဝါးဝါး အလင်းရောင်နန့် တတူ

 

တစ်ဖြောက်ဖြောက် ကြွီကျ...။

 

”ငွီရောင်နှင်းစက်တိ က

 

စိမ်းစိုရေ သစ်ရွက်ထက်မာ 

 

နိန်ရာယူဗျာယ်

 

နီရောင်အလာကို စောင့်နိန်ယင်း

 

ကြွီကာ ​ပျောက်လို့... နင်အားဖြစ်ဖို့

 

လောကဓံ ကို အရှုံးနန့်ပီးဆပ်ခသူရာ......။

 

”လီပြီ လီညှင်း တိကြားမာ 

 

တင့်တည် သာယာ လှပအောင်

 

ပန်းတပွင့်၏ ရိုးတန်  သန်မာဖို့

 

ရီလောင်းပီးခသူ က

 

နှင်း......။

 

”နှင်း ဆိုစွာ ဘဝင်မမြင့်

 

လီပိုင်မကြမ်းတမ်း

 

ပျားလိုလေး မယုတ်မာ

 

ပင်တကာကို ယှင်သန်နိုင်ဖို့

 

ပီးဆပ်ရုံသတ်သတ်ပါ....

 

နှင်း...နှင်း...နှင်း....။

 

✍။။။ ရခိုင်လူမျိုး - AwngMyint Twan (ကျိန်းရိပ်မြီ)

 

စက်တင်ဘာ ၂၈ ၂၀၂၂

 

📸/ Photo ငြိမ်မိုဃ်အိဏ်

 

”Dr ညိုထွန်းအောင်း”

 

”မွီးရပ်ဇာတိ အမှန်မှာ 

ကျောက်ဖြူမြို့ကပါ

ငယ်နာမေမှာ ဇော်မျိုးသက်

ပညာ ဂုဏ်ထက်မြက်။

 

”တစ်ထောင့်ကိုးရာ 

ရှစ်ဆယ်တစ် 

မွီးရေ သက္ကြစ်။

 

”မဆိုးမသွန်း မာန်လည်းမထာင်ဂ

အဖ ဖြူလှအောင်

နို့ချိုတိုက်လို့ သူပြုစု

အမင် ဒေါ်မြနု။

 

”မျိုးကိုချိုက်လို့ သွီးကိုစစ်

ဆရာဝန် ဘွဲ့ကိုလိုက်

တိုင်းရက္ခ အတွက် သူစဉ်းစား

တော်လှန်ရီး ခရီးကိုလား။

 

”ဖွဲ့စည်းလီခ တပ်တော်မှာ

နှစ်ထောင့် ကိုးခုမှာ

ဒုဦးစီးချုပ်တန်ဝန် သူထမ်းရွက်

သစ္စာ မဖောက်ပျက်။

 

”နှာမေပြောင်းက ညိုထွန်းအောင်မှာ

သင်းကြိုင်မွှီးလို့ပျံ

ရဲဝံ့စိတ်နန့် သူစွန့်စား

အာဂရခိုင်သား။

 

”ဆရြီးအစား သနပ်ကိုင်

စိတ်တတ်မယိမ်းယိုင်

အဖရခိုင်ပြည် လွတ်မြောက်လမ်း

သမိုင်းတန်ဝန်ကိုထမ်း။

 

”ကြမ်တမ်းယုတ်မာ အကြံဆိုး

နယ်ချဲ့ဗမာမိစ္ဆာမျိုး

တိုက်ထုပ်တော်လှန် သူစွန့်ဇား

မျိုးချိုက်ရခိုင်သား။

 

”အမှောင်ကိုဖောက်လို့ အလင်းကိုဆောင်

လမ်းပြ သူဂေါင်းဆောင်း

တတူတွဲဗျာ ယှိကိုလား

လေးရပ်ဝတီသား။

 

စက်တင်ဘာ-၁၉-၂၀၂၃

✍။။။ ရခိုင်လူမျိုး-AwngMyint Twan(ကျိန်းရိပ်မြီ)

 

”ဓနမဲ့ အချိုက်”

*************

”တစ်ချိန်က မင်းအချိုက်တိ

ဂျူလိုင်မိုးပိုင် အီးမြဖူးခရေ

အဂုချိန်မှာ ပူလောင်ခြင်းနန့်

အဆုံးသတ်လားခကေလေ့

ငါ့ရင်ထဲမှာ အီးမြခြင်း အငွိ့သက်တိ

အဂုချိန်ထိ ဟိမ့်နိန်တုန်းပါ

ချိုက်သူ….

 

”နီနန့် လ ရွှေနန့် မြ လို့

 စကားပုံမှာ လှပကေလည်း

နီနန့် လ က ပေါင်းရန်ခက်စွာကိုတော့

ငါသိပြီးသားပါ

ချိုက်သူ…..

 

”မဖြစ်နိုင်မှန်းသိရက်နန့် 

ပိုးဖလံမျိုး မီးကိုတိုးပိုင်

မင်းကိုမှ တမ်းတမ်း စွဲစွဲချိုက်မိခလို့

အချိုက်သောက မီးလျှံကြားမှာ

ငါ့၏ခန္ဒာပြာကျလားရေထိ

ချိုက်လားမေ 

ချိုက်သူ…..

 

”မင်းပီးလိုက်တေ အချိုက်တချက်က

ငါ့အတွက် အဆိပ်တစ်ခွက် ဖြစ်နိန်ကေလေ့

အပြုံ့မပျက်ပဲ သောက်ပြလိုက်မှာပါ

အဆိပ်တက်လို့ ရူးလားကေတောင်

အချိုက်စစ်က ဟောင်းနွမ်းမလားပါ

ချိုက်သူ…..

 

✍။။။

ရက္ခိုင့်လူမျိုး-AwngMyint Twan(ကျိန်းရိပ်မြီ)

 

[အချိုက်တောင်း ဆု]{ကဗျာ}

*************************

တစ်ယောက် သို့ သူ့ကို

နှစ်လုံးသား ရင်မှာပိုက်ဗျာယ်

သုံးရာသီ အလီလီပြောင်လည်း….

 

လေးလွန်ရေ ခရီးကြမ်းမှာ

ငါးပုဒ်တစ်ကောင်ပိုင် ရီမှာမျိုးပတ်ဇီ

ခြောက်သွီးနိန်ရေ ဂန္တရနှလုံးသား က သူ့ကို

ခုနှစ် သင်္ချေနန့် ကမ္ဘာတစ်သိန်း ထိ

ချိုက်လားဖို့….။။။

 

ကိုးကွယ်ရာ စိန်ဒေမြတ်ဘုရားထံပါးမှာ

တစ်ဆယ် သို့ လက်ဆယ်ချောင်းနန့်သူ့ကို  ရာသပ္ပန်ရိုးမြီကျ ထာဝရချိုက်လားဖို့ တောင်းဆုပြုလျှက်ပါ….။။။

 

ချိုက်ရေလူတိုင်း ပေါင်းဖက်နိုင်ဂတ်ဇီ

 

ရက္ခိုင်လူမျိုး….AwngMyint Twan (ကျိန်းရိပ်မြီ) 

 

{အလွမ်းမပြေ...ဒေနွီ}

******************

”ပူအိပ်တေ ရာသီ

ဒေနွီဦးမှာ

မင်းအလာ ကို မျှော်ကာမှန်းဆ

တမ်းတလျှက်ပါ....နွီ

 

”အခါမီ တန်းခူးနွီမှာ

သင်္ကြန်မိုးနန့် စိုကာဖြန်းဖို့

နွီပိတောက်နန့် မျှော်ကာကြိုလေး

ရင်ဝေမိုးက လွမ်းဆွေးရ......

 

ကြွီကွဲရပြန် ဒေဂီမာန်

အဖော်ကကွဲ

ငိုကာကြွီးလေး

တစ်ယောက်တည်....

အလွမ်းမပြေ ဒေနွီ.....

 

            ✍။။။  ရက္ခိုင့်လူမျိုး - AwngMyint Twan

                                     (ကျိန်းရိပ်မြီ)

 

ငြင်းသင့်ကေ ငြင်းပလိုက်

*******************

 

လူ အများစု၏ နှလုံးသားထဲမှာ

အားနာတတ်ရေစိတ် က

လူတိုင်ရင်ထဲမှာ ဟိစမြဲရာ

 

ကိုယ် မလုပ်ချင်ရေ အလုပ်

ကိုယ် မလုပ်နိုင်ရေ အလုပ်ကို

ဒေစိတ်အရင်း ဟိနိန်လို

ကူညီပီနိန်ရရေ။

 

ကိုယ်ဇာပိုင် ခံစားရဖို့ဆိုစွာထက်

သူ့များခံစားမှု့ကိုရာ ဦးစားပီးတတ်တယ်။

 

သူငယ်ချင်း ဖြစ်နိန်လို့

မိတ်ဆွေ ဖြစ်နိန်လို့

ဆွေမျိုး ဖြစ်နိန်လို့ ဆိုပနာ

ငြင်းဖို့စွာ အားနာ​ရေ။

 

မနိုင်ရေဝန်ကို ထမ်းရေ။

 

မငြင်းဝံ့ရေစိတ်နန့်

ဆက်ကူညီရေ။

 

လောကမှာ…

အားလုံးက

အလိမ်အညာတိ မဟုတ်ရေပိုင်

အားလုံးစွာလည်း

သူတော်စင်တိ မဟုတ်ပါ။

 

ကိုယ်က မအားရေ ကြားကနိန်

အချိန် ခွဲဝီပနာ

ကူညီပီးလိုက်တယ်။

 

အဆင်မပြေ ဖြစ်လားကေ…

ပါးစပ် သနတ် အပိစ်ခံရရေ။

 

သူယုံကြေလို့ အားကိုးပါရေ ဘာရေ

စကားချေနန့်…

 

ယား…

အဆင်လည်း ပြေလားခရေခါ

ငါ့ ကုသိုလ် ကံနဲ့ပါ ဆိုပနာ

စကား က ထွက်လာသိမ့်ရေ။

 

အလိုလို ကိုယ့်စေတနာက

ဘေးကို ရောက်လခရေ။

 

လူ တိုင်းကိုယ်

အားနာသင့်သလောက်ရာ

အားနာသင့်ပါရေ။

 

သူတစ်ပါး၏ အသုံးချခြင်းကို

ခံရစွာလည်း ဒေစိတ်။

 

ယှိမှာ ရယ်ရယ်ပြုံ့ပြုံ့နန့်

နောက်ကွယ်ကျခါ 

ဓါးနန့် အထိုးအထိုးခံရစွာလည်း 

ဒေစိတ်။

 

"အားနာဂေ ခါးပါရေ လပ်။

 

ခါး ပါတင် မကသိမ့်

တချို့ ဘဝပါ ပါလားရေ။

 

ယေဇုနန့်…

ကိုယ့်နှလုံးသား ပျော်ယွှင်မှု့ကိုလည်း

စဉ်းစားပြီး။

 

ဂျောင်မာ ကပ်မငိုရလီအောင်

ကိုယ်လည်း အဆင်ပြေအောင်

ငြင်းသင့်ဂေ

ရဲရဲဝံ့ဝံ့ရာ ငြင်းပလိုက်ပါ........ :::

 

✍။။။ ရက္ခိုင့် လူမျိုး - AwngMyint Twan(ကျိန်းရိပ်မြီ)

 

(စိတ်ဓာတ် မကျပါဂေ့-မိတ်ဆွေ)

********************

”အခက်အခဲ ဆိုစွာ

တစ်ရက်ထဲ ကြုံရဖို့လို့ သတ်မှတ်ထားစွာ မဟုတ် ။

 

” မိတ်ဆွေရို့ နိန်ထိုင်ရေ ကမ္ဘာကြီးကို က

အခက်အခဲ ဒုက္ခတိနန့် တည်ဆောက်ထားရေ

လောက စစ်တလင်းပြင်ကျေကြီးတစ်ခု.....

 

”ယေဇုနန့် 

အကြောင်းအမျိုးမျိုး နန့်

အကောင်း အဆိုးကို ရင်ဆိုင်နိန်ရဖို့စွာ ဧကံမလွဲ

ယင်းတာကြောင်း စိတ်ဓာတ်မကျပါဂေ့ မိတ်ဆွေ.....

 

”စိတ်ဓာတ် မကျဂေ့ မိတ်ဆွေ

လွယ်လွယ်နန့် စိတ်ဓာတ်ကျပြီး အရှူံးပီးတတ်စွာ က

လူပျင်း လူညံ့တိ အလုပ်....

 

” အခက်အခဲ ကို ရင်ဆိုင် တိုက်ခိုက်ပြီး

အဆိုးတိ ကြားထဲက အကောင်းဆုံးကို ယှာဖွေစွာက

လူတော် လူကောင်းတိ အလုပ်.....

 

” ကိုယ်လိုချင်ရေ ပန်းတိုင်ရောက်ဖို့ အတွက်

အခက်အခဲ ဒုက္ခဆိုစွာ

ဧကန် မလွဲ ကြုံတွိ ရဖို့ တန်းထား တစ်စင်းရာ....

 

”ယေဇုနန့် ဇာအရာလည်း လွယ်လွယ်နန့် မရပါ

နပျိုးသီး စားစွာတောင် အခွံခွာရသိမ့်စွာ မဟုတ်လား

ငါရို့၏ ​ရီမှန်းချက်ပန်းတိုင်ဆိုစွာ အောင်မြင်ခြင်းတစ်ခု

တန်ဖို့ဟိ အရာကို ရယူချင်လေလေ

အခက်အခဲဒုက္ခဆိုစွာ ပိုများလည်လည် မဟုတ်လား

အားတင်းထားပါ မိတ်ဆွေ....

 

” အကြံ ပျို့ပြီး မာန်လျှို့လိုက်ဖို့ဆိုခဂေ

မိတ်ဆွေ ရင်းဆိုင်ခဲသမျှ အခက်အခဲ တိ

မိတ်ဆွေရို့ ယှင်သန်မှု့တိ စွာ အလဂါးပျောက်ကွယ်လားလိမေ...

 

” မိတ်ဆွေ

 ကြိုးစားလာလို့

ပန်းတိုင်ရောက်ဖို့ လက်တစ်ကမ်း အလိုမှာ

နောက်ဆုတ်ဖို့ မတွေးလိုက်ပါဂေ့

အားတင်းပြီး ယှိဆက်လျှောက်ပါ မိတ်ဆွေ....

 

” မိတ်ဆွေ ကြေလိုက်ပါ...

မြင်အောင် ကြည့်လိုက်ပါ

မိတ်ဆွေ အောင်မြင်မှု့ အနာဂတ်က  ရွှေရောင် တဗြိဗြိတောက်လို့

မိတ်ဆွေကို ကြိုဆိုနိန်ယာ မိတ်ဆွေ.....

 

” မိတ်ဆွေ အောင်မြင်မှု့ ကို မမြင်သိမ့်လို့

မိတ်ဆွေ၏ အခက်အခဲဒုက္ခတိ က ကြီးမားလိုက်တေလို့ ထင်ချင်ထင်နိန်လိမေ။

 

မိတ်ဆွေ၏ အောင်မြင်မှု့ တိကို၊ မိတ်ဆွေ မြင်လိုက်စွာနန့်

မိတ်ဆွေ ရင်ဆိုင်ဖြတ်သန်းလာခရရေ အခက်အခဲဒုက္ခတိစွာ

မပြောပလောက်စရာလို့ မိတ်ဆွေ သိလာလိမေ.....

 

”အမှန်တော့

အခက်အခဲဆိုစွာ အောင်မြင်မှု့ ကို ရောက်ဖို့အတွက်

လဂါးတစ်ထစ်ပါ မိတ်ဆွေ.....

 

ယင်း အခက်အခဲ တိကို ကြောက်လို့

ရင်ဆိုင် မဖြတ်သန်းခဆိုခဂေ

မိတ်ဆွေ အောင်မြင်မှု့ ပန်းတိုင်ဘားသို့ ရောက်ဟိဖို့ ဝီးကွာနိန်ရဖို့သိမ့် ဆိုစွာ ၏ကံမလွဲပါ....

 

” ယေဇုနန့်

စိတ်ဓာတ်မကျပဲ အားတင်းပနာ

အခက်အခဲဒုက္ခတိ ကို ရင်ဆိုင်ဖြတ်သန်း ကျော်လားနိုင်ရေ လူတော်လူကောင်းတစ်ယေက်အဖြစ်

ရင်ဆိုင်လျှောက်လှမ်း လိုက်ပါ မိတ်ဆွေ.....

 

       ✍။။။ ရခိုင်လူမျိုး - AwngMyint Twan(ကျိန်းရိပ်မြီ)

 

(ရခိုင်သား ရွီးရေ ရီးစားစာ)

*************************

သို့..............

             ”ချိုက်သူ

 

မိုးသားတိမ်စဉ်တိကြား က

ကြွီကျလာရေ မိုးစက်လို

မင်းရင်ခွင် အချိုက်အိမ် 

နန်းတော်ထဲမှာ

ငါ့၏ အချိုက်

မိုးစက်တိကို ရွာသွန်းခွင့်ပီးပါ ချိုက်သူ.......

 

ငါအချိုက်က နန်းရာကုန်းလို

ဟောင်းနွမ်းနိန်ကေ တောင်

မင်းအပေါ်မှာ ထားရေငါ့ အချိုက်က

         ဂစ္ဆပနဒီ

မြစ်ရီပိုင် အမြဲထာရဝ မင်းအပါးမှာ

   စီးဆင်းနိန်လျှက်ပါ ချိုက်သူ......

 

ကတ္တရာလမ်းမှာ ကတီပါမပါပဲ

လမ်းလျှောက်ရေပိုင် ပူပြင်းပါရေ ဆိုရေ 

          အချိုက်က

မင်းနန့်ကျမှ အအီးပတ်မတတ် 

အီးမြမှု့ကို ခံစားမိစွာ အမှန်ပင် ချိုက်သူ.....

 

          ရခိုင် အချိုက်

          ရခိုက် မိတ္တာ

           ရခိုင် သစ္စာ

           ရခိုင် ဂရုဏာ

           ရခိုင် သံယောစဉ် နန့်

လေးမြို့မြစ်ကရီပိုင် ဥတုရာသီ မရွီး

မင်းအပေါ်မှာ အမြဲတမ်း ချိုမြိန်နိန်စွာ 

အမှန်ပါ ချိုက်သူ......

 

ဘကုန်း နန့် ဝ ကို ပေါင်းမှ

ဘဝ ဖြစ်တေပိုင်

မင်း ဘ ဂုန်း နန့် ငါ့ ဝ ကို

ပေါင်းစပ်ပြီး နှစ်ယောက် 

တစ်ဘဝ ပေါင်းပါရဇီလား ချိုက်သူ......

 

ချိုက်သူသာ ငါ့ အချိုက်ကို နားလည်

လက်ခံပီးကေ

နှစ်ယောက်တတူ လက်တွဲဗျာလ်

မဟာမုနိဘုရား မှာ သစ္စာဆိုလို့

ကမ္ဘာတည်သ၍ ချိုက်သူနန့် မခွဲအတူ

လက်တွဲလားဖို့ သစ္စာပြုပြီး

ကတိပြုလျှက်ပါ ချိုက်သူ......

 

✍။။။ ရခိုင်လူမျိုး - AwngMyint Twan (ကျိန်းရိပ်မြီ)

📝

 

[ဒီဇင်ဘာ]

********

 

ဆောင်းရာသီ၏

ဂီမာန်လမာ

နှင်းစက်တိ နင့် အတူ 

မျက်ရည် ချောင်းစီးခရပါရေ

ဒီဇင်ဘာ ။

 

နှင်းမိုးရွာရေ ညာဥ့်တစ်ညာဥ့် မှာ

သွီးချောင်း ပင်လယ် စီးခရပါရေ

ဒီဇင်ဘာ။

 

ဒီဇင်ဘာ ၏ အီးချမ်းမှု ကို ကျောခိုင်း

ရင်ဗတ်ထဲ မှာ သောကမီး တိ တောက်လောင် နိန်ခရပါရေ

ဒီဇင်ဘာ ။

 

ကမ္ဘာအလယ် မှာ ဒီဇင်ဘာ က 

ပျော်ရွှင်စရာကောင်း ရေ ညတစ်ည ဖြစ်ကေလေ့

ရခိုင်ရို့ အတွက် ကြွီးကွဲ သောက ဒုက္ခပယ်လယ် ဝီခရရေ

ညတစ်ပါ ဒီဇင်ဘာ ။

 

မျက်ရည် ကို လောင်း လုပ်

သွီးပင်လယ် မှာ

အရိုး တက် နင့် လှော်ပြီးခရရေ

ဒီဇင်ဘာ။

 

တင်းဝါးပန်းခိုင်တစ်မြိုင်မြိုင်

ရခိုင် လူ အလောင်း လို့

ကမ္ဘာ သမိုင်းမာ 

ထင်ဟတ်ပီးခလီလား

ဒီဇင်ဘာ ။

 

ဒီဇင်ဘာ

ဒီဇင်ဘာ

ဒီဇင်ဘာ

ငါရို့မိလို့ မရရေ

ဒီဇင်ဘာ ။

✍။ Awng Myint Twan (ကျိန်းရိပ်မြီ)ရက္ခိုင့်လူမျိုး

 

(ဒီဇင်ဘာ အလွမ်း)

    ***

ချမ်းအီးလှရေ ဒေဆောင်း မှာ

  နွီးထွီးစွာ အိပ်စက်ဖို့

မင်းရင်ခွင်ကို ငါလို့အပ်ရေ ဒီဇင်ဘာ .....။

 

တိတ်ဆိတ်နိန်ရေ ဒေဆောင်းညမှာ

ချမ်းခိုက်ခိုက် နန့် ထိုင်ဗျာလ်ငေးရင်း

   အိပ်စက်လားရေ နှလုံးသားက

       လင့်ဗျာလ် နိုးလို့

နှင်းစက်ကြွီသံ မင်းခြီသံအလား

   ကြားယောင်မိရေ ဒီဇင်ဘာ .....။

 

       ချမ်းအီးမလုံ

  ခြုံကာလုံလည်း မနွီးထွီး 

  အီးစက်လှပါရေ ဒီဇင်ဘာ....။

                 

မိုးလင်းအာရုံ မှိုင်းမှုံမှုံ

ဥသြကတွန် ဒေရင်မှာ

လွမ်းဗျာလ်ဆွဲရ ဒေဆောင်းည

အတိတ်ဟောင်း က

ရင်ခွင်ဟောင်း ကို တမ်းတမိရေ ဒီဇင်ဘာ....။

 

✍။။။ ရခိုင်လူမျိုး - AwngMyint Twan (ကျိန်းရိပ်မြီ) 

📝

 

{ဒီဇင်ဘာ….မျက်ရည်}

 ******************

”သောကကို ရင်မှာပိုက်

ငြိမ်းချမ်းခြင်း ကို 

ကျောခိုင်းပနာ

လူသန်းပေါင်းများစွာ

အသတ်ခံခရရေ

ဒီဇင်ဘာ။ 

 

”လလည်းကွယ် ပြည်လည်းဆုံး

ရက္ခိုင်ထီးနန်းပျက်သုန်း

မိုးအမှောင်ဖုံးရေ နိတစ်နိ့မှာ

မျက်ရည်မိုးတိ ရွာခရရေ

ဒီဇင်ဘာ။

 

”၁၁၄၆ ရက္ခိုင့်နိုင်ငံကျရှုံးခ

အားမတန်လို့ မာန်ကိုလျှော့

ရက္ခိုင့်နိုင်ငံ ပြာပုံတိုး

ဂေါင်းဖြတ် ပုံသတ် နိုင်ငံပြတ်

ရက္ခိုင်အလောင်း တောင်ပုံပြတ်

ပီးဆပ်ခရရေ

ဒီဇင်ဘာ။

 

”နံရံကိုချိုးဖျက်

ခေါင်မိုးကိုချိုးဖောက်

မြီဇာဖုံးထားရေ နန်းရာကုန်းက

ဂနိ့ထက်တိုင်

မိမရနိုင်သိမ့်ပါ

ဒီဇင်ဘာ။

 

✍။။ ရခိုင်လူမျိုး - AwngMyint Twan ( ကျိန်းရိပ်မြီ)

 

{အမင်...မိတ္တာ}

************

”ခန္ဒာကို စတေး အသက်ပီးလို့ ချိုက်ခပါသော အနန္ဒဂိုဏ်းဝင် ကျေးဇုသျှင်ပါ အမင်...

 

ကိုးလလွယ် ဆယ်လမွီး လူမမီသားသ္မီးကို ရင်ဝေပိုက်ထွီး နို့ချိုတိုက်ကျွေး အမင်နှလုံးသွီး နင့် အသက်ယှင်သံလာသူပါ အမင်....

 

ရာဇဝင်ထဲ မှာ စာတင်ပြရပါသော လူသားတိုင်း၏ အနန္ဒမိတ္တာသျှင်ပါ အကြင်နာတိ ပီး ပုခက်ကလေးကို ကိုင်ကာလွှဲပါသော မွန်မြတ်လှရေ လက်တစ်စုံ ပါ အမင်...

 

လောကဓံကို စိန်ခေါ်ကာ ရင်ဆိုင်ရေးရေ သူရေးကောင်းပါ ကျေးဇုသျှင် အမင်

အချိန်မှန် ဝတ်ရီး အစားရီး တိ မနှောင်းနှေးအောင် အမင် ကျွေးမွေး ပြုံ့လို့ပျော်လို့ပါ အမင်...

 

မဟာဂရုဏာ တည်မြဲရေသစ္စာ က သားသ္မီးများအတွက် ထာဝရ အသင်္ချေပါ အမင်....

 

ကြင်ရာစုံလို့ တစ်နိန်တစ်ကျေး အနိန်ဝီးလေး အမင်သားကိုတွိချင်လိုက်စွာ အမင်သ္မီး သျှေရောက်လာဖို့လားလို့ ဟိုအယင်က အိမ်ဟောင်းကြီးမှာ အမင်မျှော်မှန်းလို့ လွမ်းနိန်လိုက်စွာ 

မျက်ရည်ပုလဲ က ပါးပြင်ထက်မှာ သုတ်ပီးဖို့သူမဟိမ့် နိန်ခရစွာ

အမင်သားသ္မီးတိ မသိနိုင်ပါ အမင် ငိုလို့လွမ်းကျန်ခရစွာ မိဖတိုင်း က ကြုံတွိရစမြဲပါ အမင်...။

 

သားသ္မီးတိုင်း ကိုယ့်မိဖကို ကျေးဇု ဆပ်နိုင် ကတ်ပါဇီ...။

 

✍။ရက္ခိုင့်လူမျိုး AwngMyint Twan (ကျန်းရိပ်မြီ)

 

” ရင်ခွင်ပျောက် သား”

*************************

”ရင်ခွင်မဲ့သား ရီခမ်းငါး

လောကကြီးကို ခြီစုံချကတည်းက

ပူလောင်ခြင်းနန့် စရရေဘဝ...

 

”ဆာလောင်မှုကို ရင်မှာပိုက်လို့

ပီးကမ်းဖို့ လက်တစ်စုံကို ယှာဖွေယင်း

လောကဒဏ် ကို ရင်ဆိုက်ဗျာယ်

လျှောက်လှမ်းနိန်ရရေ လူငယ်တစ်ယောက်.....

 

”ငါးရာနှစ်ဆယ့်ရှစ် ဆိုရေ မိတ္တာ နွီးထွီးမှုကို

ငတ်မွတ်ရင်း စိတ်ကူးနန့် ရွီးဆွဲထားရေ

အဘာ အမင် ရင်ခွင်ထဲမှာ အိပ်မိုးကျဗျာယ် 

မိုးလင်းလခဗျာယ်....

 

”အမင်ဆိုရေ သာခြင်းသံနန့်

အဘာခွန့်ရေ ထ္မင်းတလုပ်

စားချင်ခပါယင့် မွီးမိခင် နန့် ကျွေးဖခင်....

 

”ခေါ်စရာ အဘာ အမင် ဆိုစွာ မဟိမ့်

နိန်စရာအိမ်ကပျက်စီ

အီးမြရေ အသိုက်အမြုံချေတိ

ပြိုပျက်လားခဗျာယ် ဂါ....

 

”ဦးတည်ရာ မဟိမ့်ရေဘဝ

အသိုက်ပြိုရေ ငှက်

ခြီဦးတည့်ရာ လမ်းလျှောက်ယင်း

လမ်းဆုံမှာ အခိုက်ကြုံလို့

မဟာမုနိ ရှင်တော်မြတ်ဘုရား ထံပါးမှာ

သံသာရာဘဝဆက်တိုင်းမှာ

ပူလောင်ခြင်းနန့် ကင်းဝီးရပါလို၏ ဘုရား

လက်ဆယ်ဖြာ ထိပ်မာမိုးယင်း

ဆုတောင်းခပါ၏.....

 

✍။။။-ရခိုင်လူမျိုး - AwngMyint Twan (ကျိန်းရိပ်မြီ)

 

(သမိုင်းပီးတန်ဝန်)

****************

#သမိုင်းကပီးရေတန်ဝန်ကိုထဏ်းရင်း_

                                                 #အလင်းကိုရောက်ဖို့အမှောင်ကိုထိုးဖောက်ပနာဖြတ်ကျော်

                       #အီးချမ်းရေဘဝတတစ်ခုကိုပိုင်ဆိုင်ဖို့ကြမ်းတမ်းရေလောကဓံကိုဖြတ်လျှောက်

                     #ပန်းခင်းရေခရောင်းလမ်းကိုရောက်ဖို့_စူးခင်းလမ်းကိုအကြိမ်ကြိမ်ကျော်ဖြတ်

               #တိုင်းပြည်နင့်လူမျိုးလွတ်မြောက်ဖို့_ချွေး_သွီး_ဘဝ_နင့်_အသက်ကိုစတေး

             #ဖနပ်မပါဘဲ_တောတောင်အထပ်ထပ်ကိုကျော်ဖြတ်

 

#ပြည်သူကပီးရေထ္မင်းတစ်နပ်ကိုဂတိသစ္စာပြုဗျာယ်စား

 

#တိုက်ပွဲတိုင်းမှာအောင်နိုင်ဖို့အနာခံဗျာယ်လေ့ကျင့်

 

#ပျော်ရွှင်ခြင်းကိုဘေးဖယ်

 

#ခံစားချက်ကိုလက်လျှူရှု့

 

#ခိုင်မာရေသတ္တိကိုသံဒိုက်ထံချပြီး

 

#အဖရက္ခပြည်ကြီးလွတ်မြောက်ဖို့နိတိုင်း_တိုက်ပွဲဝင်နိန်လျှက်ပါ_အဖရက္ခိုင်ပြည်

 

                                                                     

                                                                

 

#ရက္ခိုင်လူမျိုး AwngMyint Twan (ကျိန်းရိပ်မြီ)

 

”အဆိပ်”

********

ရင်ထဲက     ဝီဒနာကို

ကူးစားဖို့။

 

မင်းအချိုက်က

အဆိပ်တစ်ခွက်ဆိုကေတောင်။

 

မငြိုငြင်ပဲ

ငါသောက်ဖို့

အဆင်သင့်ပါ

ချိုက်သူ။

 

ရခိုင်လူမျိုး - AwngMyint Twan ( ကျိန်းရိပ်မြီ )

 

{ မျှော် }

******

တစ်နွီကူးလို့ တန်းခူးရောက်ဗျာယ်

ညီမချေ

အခါတော်မှီ တန်းခူးလမှာ

အရောက်လာဖို့ ဆို။

 

နှစ်တိပြောင်းလည်း မျှော်ကာငေး

ပိတောက်ဖူးလည်း ပွင့်နိန်ဗျာယ်

ညီမချေ

ဆံကီသာ ပဒုံးရောင်ထက်မှာ

ပန်ဖူးခရေ

ပန်းပိတောက် ကို မိလခဗျာယ်လားဝေ။

 

ပန်းပိတောက်ကို တိုင်တည်ထားလို့

အချိုက်ကမ္ဘာကြီးလည်း 

တည်ဆောက်ကတ်ဖို့ဆို

အဂုအခါ 

တာရှည်မခံရေ ပိတောက်ပန်းပိုင်

ပြောင်းလေးလားဗျာယ်လား။

 

ပိတောက်မြီကျ ဘဝင်မလှလည်း

မင်းအချိုက်က မကြွီကျဖို့

ဆုတောင်းပန်ရေ

ညီမချေ။

 

မုတ်သုန်ပြောင်းလို့

မိုးဖြောက်ကျကေ

နွီ ပိတောက်နန့်အတူ

ပြန်လာလတ်ဝေ

ညီမချေ။

 

ရခိုင်လူမျိုး - AwngMyint Twan { ကျိန်းရိပ်မြီ }

 

(အိမ်လွမ်း)

 

တနိန်ရပ်ခြား တိုင်းတပါး မှာ

ဝမ်းရီးအတွက် ကြိုးစားရုန်းကံ

ဘဝခရီး အောင်မြင်ရီး အတွက်

မျှော်လင်းချက် နက် ပျော်နိန်သူ။

 

အကြောင်းကံ က မလှပလေး

ထွက်ခွာတိုင်းတပါး ရီမြီခြား မှာ

ရရေဒင်္ဂါး စုကာထား

ရီမှန်ချက်တိ ပြည့်ရေတနိန့်မှာ

ပြန်လာလတ်မေ ချိုက်သော အိမ်။

 

အဂုအခါ  

ဝီးရပ်မြီမှာ အနိန်ကြာ

ပြောင်းလီအလီလီ ပြက္ခဒိန်

နှစ်တိအိုဟောင်း ဒေနွီပြောင်းဂေ

မွီးရပ်ဌာနီ ကိုယ့်ရပ်မြီကို

ပြန်လာလတ်မေ 

ချိုက်သော အိမ်။

 

                     AwngMyint Twan

                         {ကျိန်းရိပ်မြီ} ရခိုင်လူမျိုး

 

"ဟိမ့်နိန်တုန်း မှာ တန်ဖိုးထားပါ"

-------------------------------------------

 

ကိုယ်ပိုင်ဆိုင်ရေအရာတစ်ခုကို

အမြဲတန်ဖို့ထားပါ

ပစ္စုပ္ပန်တိုင်း က ကိုယ်ပိုင်ဆိုင်ထားရေ

အရာ ဖြစ်တေ...စက္ကန့်တိုင်းက်ို စိန်စီထားပါ။

 

မိဖ၊ဆရာသမား၊သူငယ်ချင်းစသည်အားလုံးကို

အတူဟိမ့်နိန်ချိန် မှာ ချစ်ခင်ပါ။

အကောင်းမွန်ဆုံး ဆက်ဆံပါ။

အတတ်နိုင်ဆုံး ပြုစုပါ။

နာမကျန်းဖြစ်မှ ကျန်းမာခြင်း၏တန်ဖို့ကို

နားလည်လိမေ။

 

ဆံပင်ဖြူ သွားကျိုး အိုမင်းလာမှ နုပျိုခြင်း အချိန်တိ က်ို

သတိရလာလိမေ။

အမြင်အာရုံ တိ မုန်ဝါးလာ မှ အလင်း၏ တန်ခိုးက

အင်အားကြီးမားရေဆိုစွာကို သိလာလိမယ်။

 

ပျက်စီးလားမှ အကောင်းပကတိစွာ ဇာအရာ

နင့်မှ အစားထိုးမရနိုင်မှန်း နားလည် လိမေ။

 

ယေဇုနင့်

လက်ဟိအရာတိုင်းကို တန်ဖို့ထားပါ

လုပ်ရပ်တိုင်းကို အကျိုးဟိအောင် ဆောင်ရွက်ပါ

ဖြစ်တည်မှုတိုင်းမှာ အကောင်းဆုံး ယှင်သန်ပါ။

 

မတည်မြဲရေလောကကြီးမှာ မပျောက်ပျက်ခင်။

ကိုယ့်အနားက အရာတိကို အကောင်းဆုံးဂရုစိုက်ပါ။

မဟိခါမှ မတမ်းတချင်ပါကေ့

မကြိုးစားခအချိန်တိကို နောင်တမရပါကေ့

ဝီလားမှ ဂရုမစိုက်ချင်ပါကေ့

ဇာအရာမဆို ဟိမ့်နိန်တုန်းမှာ တန်ဖိုးထားနိုင်ကတ်ပါဇီ။

 

✍။AwngMyint Twan(ကျိန်းရိပ်မြီ)ရက္ခိုင့််လူမျိုး

 

(ပကာသန တံတိုင်းကြားက အချိုက်)

 

ဂုဏ်ပကာသန တံတိုင်းကြား က

အချိုက် ကမ္ဘာကြီးလည်း တည်ဆောက်ဖို့ဆို

ပြောခသူစကား ယုံစားသူအမှားဖြစ်ခဗျာယ်လား

အဂုခါ  ဂုဏ်ငွီပကာသနတိ ပေါင်းစပ်ပနာ

ဗာလီတံတိုင်းကြီးပိုင် 

ခြံစည်းရိုး ခတ်လိုက်ဗျာယ်လား

ချိုက်သူ။

 

ဂုဏ်ငွီပကာသန ကို 

တန်ဖို့ထားလို့

လင်ဝယ်စနစ် ထွန်းကားလာရေခေတ် မှာ

မိတ္တာလမ်း မှာ

သစ္စာပန်း နာင့်

ပျံသန်းနိန်ရေ

ချိုက်လိပ်ပြာတိ က

ဝတ်မှုံငတ်နိန်ရဖို့ဗျာယ်လား

ချိုက်သူ။

 

             ရခိုင်လူမျိုး - AwngMyint Twan (ကျိန်းရိပ်မြီ)

 

(လောက ပြဇာတ်)

******************

 

ဖြတ်မရ

သတ်မရ

အမှတ်တရ

အရိုက်တိ နာင့်

 

အနတ္တအတိတ် ကို

ပြန်ကြည့်

 

မင်း...လည်းမဟိ

ငါ...လည်းမဟိ

ဝိပါက အဖြစ်နှောင်း

 

ဪ...

 

ဝဋ်ကောင်တိ

ကရေဇာတ်တစ်ပုဒ်။

                     

     

                     ရခိုင်လူမျိုး - AwngMyint Twan (ကျိန်းရိပ်မြီ)

 

( အလွမ်းရာသီ)

****************

”မိုးဝဿန် ကူးပြောင်း

ဒေဆောင်းရောက်ဗျာယ်…

 

အာကာပြင် ဝဠာထက် မှာ

ပြာရီ အုံစိုင်း မှုံမှိုင်းမှိုင်းနာန့်…

 

ငွီရောင်ပုလဲ နှင်းမှုံဝဲကာ

ဆောင်းအလှသူချေ နားပန်ဆင်ဖို့

နန်းထိုက်တော်ဝင် ပန်းသဇင်လည်း ပွင့်လာ ဗျာယ် ။။။

 

”ဖူးပွင့်လို့လာ ဝီဝီဆာဆာ

နှင်းငွီရီ  ခြုံကာဖြန်း

လီဗွီတိုက်လို့ ယိုင်းကာနိန်….

 

လန်းဆန်းဗျာယ် ကြိုင်လှိုင်းသင်း

ငွီရောင်အဆင်းနန့်...

 

မြင်ရသူတိုင်း ငဲလှောက်တေ

ပန်းအလှ သဇင်ချေ။

 

ဒေရာသီ နွီတပေါင်းမှာ

ပင်တကာ ရွက်ဝါ ကြွီလို့…

 

နွီခေါင်ခေါင် ဖိုးခေါင်တောင်တရိုးက

ဌာနီကိုမှန်း ဒေအလွမ်း…

 

✍။။။ ရခိုင်လူမျိုး - AwngMyint Twan (ကျိန်းရိပ်မြီ)

 

”မေ”......(Mya)

***************

 

သဝင်တိလည်းပွင့် လာဗျာယ်

နံယုန်တိလည်း မြည်လာဗျာယ်

မိုးရီကလည်း ကြွီလာဗျာယ်

 

ဒေအချိန် ဒေရာသီကိုရောက်တိုင်း

ငယ်ပေါင်းဖော် သူငယ်ချင်း ရို့နင့်

မင်းဟိရာ မွီးရပ်မြီကို 

သတိရတမ်းတရရေ...မေ

 

မိုးသံလီသံ တညံညံ နင့်

သာယာနာပျော်ဖွေကောင်းရေ 

မိုးကြိမ်းသံတိ က

 

စိမ်းညိုညိုတောင်စဉ်တောင်တန်းတိကြား မာ

နားဝင်ချိုရေ တော့ဗဇိုင်းသံတိကိုကြားတိုင်း

 

ပျော်ဖူးခရေ နိန့်ချေတိကို သတိရ 

တမ်းတမြင်ယောင်မိရေ....မေ

 

ရခိုင်လူမျိုး-AwngMyint Twan(ကျိန်းရိပ်မြီ)

၁၃၈၄-ခု-ကဆုန်လ္ဆန်း-၃ရက်

 

(Mya-2-2022)

 

[လွမ်းရပါသော ချိုက်ရသူ သို့...]

********************************

ဒေတော ဒေတောင်

ဒေဂနိုင် မှာ

အလွမ်းဝေဒနာ

ရင်မှာပိုက်လို့ 

ကြင်သူကို မှန်း မျှော်ကာလွမ်း 

ရာသီ အလီလီ ပြောင်းလားလီ

ရင်ကအလွမ်း မကုန်ခမ်းကား

ချိုက် နှမ။

 

ပိုးပဇိုင်းသံ တညံညံနာင့်

ချိုက်သူကို လွမ်း ဒေစခန်း က

နှောင်းအတိတ် က နိန့်ရက်တိ ကို

မိဖျောက်မရ ပါ

ချိုက် နှမ။

 

တပေါင်း လီရူး ရွက်ကြွီ ​တော မှာ

ဥဩငှက်ချေ တစ်ကောင်ပိုင်

အထီးကျန် တစ်ယောက်ထဲ အဖော်ကွဲ

ပူဆွဲရလီဗျာယ် ကား

ချိုက် နှမ ။

 

ရခိုင်လူမျိုး - AwngMyint Twan(ကျိန်းရိပ်မြီ)

 

(အဉ္စန လီညှင်း )

 

”မိုးထအာရုံ နှင်းမြုံမြုံဆိုင်း လီဗွီရိုင်း

သာယာအီးမြ

အဉ္စန။

 

မိုးသောက်စိုးစိုး

ဖြောက်ဖြောက် နှိုး

လင်းကြက်တွန်သံ

ကြားလတ်ယာ။

 

ထိုတောင်ရိုးက

လင်းကြက်သံ

အဉ္စန နတီမှာ

မိုးဟိန်းညံ။

 

ဝီဝီ ဝါးဝါး

လေးမြို့ဖျား

ကမ်းအလှ နာင့်

သာယာအား။

 

မြောက်လီကထန်

နှင်းကဖြာ

အဉ္စနလီညှင်း က

တေးခြင်းသံ။

 

မြစ်ဖျားခံကာ

စီးဆင်းလာ

အဉ္စန နဒီက

သာသာ ယာယာ။

 

”စိမ်းလမ်းစိုပြေ တောင်တန်း

အသွယ်သွယ်၊

စီးဆင်းသွယ်လာ မြစ်နဒီမှာ၊

သာယာအီးမြ

အဉ္စန…။

 

ရခိုင်လူမျိုး- AwngMyint Twan {ကျိန်းရိပ်မြီ}

 

(လွမ်း)

 

မိုးထဖက်၏ ရွှေရောင်အလင်းတန်းတိနန့်

ကမ္ဘာကြီး က နိုးထပနာ

လင်းလက်တောက်ပနိန်ရေ။

 

ကျီးငှက်သာလိကာတိ က ပျော်ရွှင်မြူးဗျာယ်

တေးသံများဖြင့် တီးခတ်ရင်း 

 

သာယာပျော်ရွှင်ဖို့ကောင်းရေ မိုးထဖက်ချေနန့်အတူ

မင်းဟှိရေအပ် ကို မျက်နှာလှည့် ကာ

 

ဟိုအရင်အချိန်တိ ကို ပြန်တောင်းတနိန်မိရေ

ချိုက်သူ။

 

AwngMyint Twan

                         {ကျိန်းရိပ်မြီ}ရက္ခိုင်လူမျိုး

 

[ နွီ ]

***

လာယ်...လာယ်

ဟော...တောင်ကုန်းထက်တိက

သစ်ရွက်ခြောက်တိ

တစ်ဖြောက်ဖြောက် ကြွီလို့ ဆင်းနိန် ကတ်ဗျာယ်ထှော။

 

အထီးကျန်နိန်ရေ

သစ်ခြောက်ပင်ထက် က

ဥဩငှက် က

နွီ  ရောက်ဗျာယ် လတ်။

 

              ရခိုင်လူမျိုး - AwngMyint Twan (ကျိန်ရိပ်မြီ)

 

”အလွမ်း...ရက်”

****************

တွိ့ခွင်းမရလည်း

မိခွင်းတစ်ခေါက်တော့ လိုချင်ရေ။

 

နှလုံးသားကို ဘဝနန့်လှဲ

ကြွီကွဲလွမ်းဆွတ်မှုတိကို

ဇာအရာနန့် အစားထိုးလို့ ရဖို့လေး။

 

စက္ကန့်တိုင်း မိမရ

နိညတိုင်း တမ်းတရေ

လွမ်းသက်သီ ခြီရာဟောင်းတိက

ဝေဒနာပြောင်း 

အဖြေရခက်တေ။

 

ဒဏ်ရာမပျောက်အောင်လို့

သံသရာတလျှောက်

မိမရရေ နိရက်တိ ချန်ထားခပြီးခါမှ

ကျန်ခရီးကို ဇာပိုင်ဆက်ရဖို့လေး။

 

တမျက်နှာ တကမ္ဘာအဖြစ်နန့်

မင်းဟှိရာ ဒေအချိုက် ကမ္ဘာမှာ

ဒဏ်ရာနာ ဝဋ်ကြွီးနန့်

အနိန်ခက်အောင်

ရင်ထဲက​ဝေဒနာ နိစဉ်ရက်စက်။

                                 AwngMyint Twan

                         {ကျိန်းရိပ်မြီ}ရက္ခိုင့်လူမျိုး

 

(လွမ်း)

********

”မိုးပြာရောင် ကောင်းခင်အောက် က

ပုလဲငွီရောင် နှင်းစက်တိ တစ်ဖြောက်ဖြောက်ကျ ဗျာယ်

လင်းအာရုံ မှာ မြောက်လီတိုက်လို့

ဒေဆောင်းရာသီလည်း ရောက်လခဗျာယ်

 

လွမ်းမပြေ ရင်မှာနွမ်း

ဆောင်းဟေမာန် ဒေအလွမ်းနန့်

မင်းရှိရာ ဌာနီဟောင်း ကို

တောင်ပန်ဖြန့်လို့ ရောက်လာချင်ရေ

 

ပျော်တစ်ခါ ငိုတစ်လှည့်နန့်

နှစ်လတိကုန်ဆုံး

ဒေရင်မှာ အပူမီး က

မြောက်လီတိုက်လို့

နှင်းစက်ဖုန်းတောင်

ပျောက်လီဖို့မထင်

✍။။။ ရခိုင်လူမျိုး - AwngMyint Twan (ကျိန်းရိပ်မြီ)

 

”သမိုင်း”

*******

ဝေ…

သိလား

သျှင်တော် ဗုဒ္ဓ ဂေါတမ 

(၁၂၃)ခုမှာ

ဗျာဒိတ်ပီးလီခ ။

 

သေလာ(ကျောက်)ဂီရိ(တောင်)ထိပ်မှာ

ရပ်တော်မူ လီခါ

ရွှီရောင်တဝင်းဝင်း ​ရောင်တော်ဖွင့်

တစ်ပြည်လုံး ထိန်လင်းလာ

ဘုရင်စန္ဒသူရိယ အားရကြေနပ်ကာ

ခြီလျှင်လျှောက်ဗျာယ် 

ဖူးတွိ့ကာ ပီတိဝီလို့ဖြာ။

 

ဝေ…

သိလား

ဓညဝတီ ရွှီခိုင်ပြည်

ငါးပါးသီလ ခိုင်မြဲရေ။

 

ကိုယ်စားတော် ဘုရား

ကိုးကွယ်တည်ထား

သာသနာထွန်းကားရေ။

 

ဆန်ရီ စပါး ပေါကြွီများ 

စည်ကားခရေ

ရွှီခိုင်ပြည် ။

 

ဝေ…

မြင်လား

တောင်တန်း အသွယ်သွယ်ကာစီးရေ

ဇာတီ ပုထိုးလည်း ပေါများရေ

ဘူမိနက်သံမြီ။

 

ဇန္ဗုဒိန္ဘာလက်ယာမှာ

ဓညပေါ်တွင်လာ

ကျောက်လှေဂါးကသက်သီထား

ကုန်သည်စီးဆင်းအား။

 

ဝေ…

မြင်လား

ကြီးနီ ကြီးဝါ ခေါင်မိုးမှာ

ဖြီးဖြီးတောက်ဗျာယ်ကာ။

 

ငှက်ပျံမကျ စည်ကားခ

နန်းတော်ရာ က

သက်သီပြ ။

 

AwngMyint Twan(ကျိန်းရိပ်မြီ)ရခိုင်လူမျိုး

 

(စစ်မြီပြင်က လွမ်းစာကြွီ)

************************

ယူစနာမိုင်ပေါင်း ထောင်သောင်းဝီးလည်း

ခင်ပျိုနှမ ချိုက်ငယ်ကျွမ်းကို

လွမ်းစာကိုစီ မှာလိုက်ချင်ယင့်။

 

တောင်ညိုစခန်း စစ်မြီလမ်းမှာ

အသက်ကိုမငဲ တိုင်းပြည်ရေးတွက်

ဗုံးသံ ကျီသံ အမြောက်သံကြား

မိုင်းလမ်းကိုမကြောက် 

ဆက်ကာလျှောက်လည်း

လွတ်လပ်ရီးအတွက် ပီးဆပ်ထားရေ။

 

မွီးရပ်မြီက ချိုက်နှမကို

လွမ်းစာ ကို မကြွီ မပို့လီလို့

အချိုက်တော်မပေါ် အမျက်တော်ပ်ါလို့

ရွှီရင်စိတ်တော် ညှိုးနလီလား။

 

ညှိုးရေစိတ်တော် ဖြီကာချော့ဖို့

အောင်ပွဲအလီလီ ဆွတ်ခူးလီခါ

မောင်ကြီးလာရာ ရွာအဝင်မှာ

ချိုက်သူမျက်နှာ ရွှင်ပြုံ့စွာနန့်

သဇင်ပန်း နန့် စောင်နိန်ပါ။

 

✍။။။ AwngMyint Twan

                         {ကျိန်းရိပ်မြီ} ရခိုင်လူမျိုး

 

{ ပြည်ချိုက်စစ်သား }

*****************

”တောဂနိုင် ချိုမြောင်ကြားက

စစ်စခန်းမှာ 

ငါ့၏ခန္ဒာ သန်မာလာဖို့

လေ့ကျင့်သင်ယူ

အားစိုက်ထူ…၍

တတ်မြောက်သင်တန်း

ငါပြီးမြောက်က

 

”အေကေ တစ်လက်

ငါလက်ဆက်လို့ 

ကျူးကျော် နယ်ယှေ့ 

မိတ်ဆာရို့ ကို

ပြည်ကမောင်းထုတ်

အမြစ်ဖြုတ်ဖို့

အမောင်ယောက်ကျား

ပြည်ချိုက်သား

အဖပြည်သို့

မာန်ဟုန်ထိုးလို့

ပြန်လတ်ဗျာယ်…

 

”ချိုက်လီ

ညီလီ

လေးဝတီ ရို့

ရွှီလက်ခိုင်မြဲ

တတူတွဲ

စည်းလုံးကတ်လေ

စည်းလုံးလေ…..။

 

✍။။။ - ရခိုင်လူမျိုး - AwngMyint Twan { ကျိန်းရိပ်မြီ }

 

”သတ္တိ”

******

 

”မျိုးချိုက်ရေစိတ် က တွန်းအားပီး

ဖိနိုက်မှု ကို တွန်းလှန်

မတရားမှု ကို မုန်းတီး

လွတ်လပ်မှု အတွက်

သနပ်ကိုင်​ရေ…သူ ။

 

”ကြမ်းတမ်းရေ ဘဝကိုရင်ဆိုင်

အောင်မြင်မှုပန်းတိုင်ကို ဆက်လျှောက်

ရီမှန်းချက် လမ်းစဉ်ကို သစ္စာတည်

ခံယူချက်အပြည့် နာင့်

သနပ်ကိုင်ရေ…သူ ။

 

ကြုံလာရေလောကဓံ ခါးစီးခံ

မလျှော့ရေဇွဲ နာင့် ဖြေဖျောက်

ကြောက်စိတ်ကို ဘေးဖယ်

ကိုယ်ပိုင်နိုင်ငံအတွက်

သနပ်ကိုင်ရေ…သူ ။

 

”ဒေကမ္ဘာမှာ ဒေနိုင်ငံ ကို

လွတ်လပ်ခြင်းနာင့် တည်ဆောက်နိုင်ဖို့

ကိုယ်ပိုင်နိုင်ငံ ဖြစ်တည်လာအောင်

ရက္ခိတလမ်းစဉ်အောက်က

သနပ်ကိုင်​ရေ…သူ ။

 

AwngMyint (ကျိန်းရိပ်မြီ) ရခိုင်လူမျိုး 

 

{မလွတ်မြောက်နိုင်သိမ့်}

********************

ရီပြင်မာ လောင်းချေစီးလို့

 

မုန်ဝါးဝါး အာရုဏ်ဦးမာ

 

ဦးတည်ရာ ကမ်းစပ်ကိုရောက်ဖို့

 

ထူထပ်ရေ ရီငွိ့ကိုထိုးဖောက်ပဏာ

 

ပန်းတိုင်၏ ကမ်းစပ်ကို ရောက်ဖို့

 

ဘဝဆိုရေ လောင်းကို လှော်ယင်း

 

ကံဆိုရေ ပင်လယ်ပြင်ထဲမာ 

 

မညောင်းတမ်း ကြိုးစားနိန်ရသူက

 

ငါ့ ၏ခန္ဒာ။

 

အနစ္စ တရားက မျက်နှာသာပီးနိန်သမျ

 

ဒုက္ခပင်လယ် က မလွတ်မြောက်နိုင်သိမ့်

 

(ရခိုင် လူမျိုး) (AwngMyint Twa)(ကျိန်းရိပ်မြီ)

 

(10)(4)(2022)

 

[နွီအလွမ်း]

🌤🌤🌤

”ဆောင်းအကုန် နွီ အကူးရောက်တိုင်း

ဥဩသံနင့်အတူ မင်းအသံတိ ကို ကြားယောင်နိန်ဆဲပါ နွီ…

 

”အချိန်တန်လို့ ကြွီကာကျရေ သစ်ရွက်ခြောက်

ကြွီသံတိကို ကြားရတိုင်းလည်း

မင်းခြီသံအလား ကြားယောင်မိပါရေ နွီ….

 

”အထီးကျန်နိန်ရရေ သစ်ခြောက်ပင်ပိုင် 

ခြောက်ကပ်ကပ် နင့် ရင်ထဲမှာပူလောင်လျှက်ပါ

နွီ…..

 

”နွီ...မင်းပီးလိုက်ရေ ခရမ်းရောင်နီခြီက 

သဲဂန္ဒာရမာလမ်းလျှောက်ရေပိုင်

သီမတပ်အောင် ပူပြင်းလှပါရေ နွီ….

 

”နွီ က ပီးရေ နွီ အလွမ်း နင့် အခြင်ဆီခမ်းခြောက်ပနာ 

အရိုးပြာကျရေအထိ

လွမ်းနိန်လျှက်ပါ နွီ….

”နွီ...နွီ...နွီ…နွီ...အလွမ်းနွီ….

 

✍။ AwngMyint Twan (ကျိန်းရိပ်မြီ)ရက္ခိုင့်လူမျိုး

 

တစ်ယောက်_ထဲ_နိန်စွာကြာလာရေ_အခါ...

*******************************************

”ဥပေက္ခာ က ကပြောရေ

စေတနာ နင့် မထိုက်တန်ရေ သူတိကို ငါ့ပါးကိုပို့

ပီးလိုက်လတ်။

 

”အမှတ်တရ က ပြောရေ

အမှတ်တရဖြစ်ကေလေ့ ရင်မှာမွန်းကျပ်နိန်စွာတိကို

ကြာကြာ မထားကေ့လတ်။

 

”မျက်ရည် က ပြောရေ

နိန်ရာတိုင်းမှာ မျက်ရည်ကျစရာ မလိုလတ် ပျော့ညံ့  ရာ ရောက်တယ်လတ်။

 

”သတ္တိက ပြောရေ

ရပ်ပြတ် မင်းကို ငါကူညီမေ မင်းဆုံးဖြတ်ချက်

အတွက် မင်းဘေးမှာ ငါအမြဲ ဟိမ့်နိန်ပီးမေလတ်။

 

”ကြင်နာခြင်း က ပြောရေ

မင်းက လူတိုင်းအပေါ် ကကောင်းကြင်နာ တတ်စွာမလားလတ်

ကြင်နာတတ်လို့ မင်းနာကြင်နိန်ရဗျာယ်လား ယကေလေ့

အကျိုးမယုတ်ပါ မင်း ကြင်နာ တတ်ရေ

နှလုံးသားကို အသိဝင်လာချိန် တောင်းတနိန်လီဖို့စွာ အမှန်ရာ။

 

”နှလုံးသားက ပြောရေ

မျက်နှာများရေ ခိတ်ကြီးထဲမှာ မျက်နှာမများဘဲ

လူတစ်ယောက်ကို စွဲစွဲမြဲမြဲ ချိုက်တတ်စွာ က ငါပါ

နာကြင်နိန်ရဗျာယ် နောက်နောင် မင်းစဉ်းစား

သင့်ဗျာယ်လတ်။

 

”နောင်တ က ပြောရေ

အမှားဆိုစွာ လူသားတိုင်းမှာရှိရေ

ရဲဝံ့စွာ ရှေ့ဆက်လား ပါ နောင်တဆိုစွာ ငါ့ကို

အကြိမ်ကြိမ် မတပါနင့် တိုးတက်ဖို့လူတိ

ခြီလှမ်းတိုင်း မှာ နောင်တ ဆိုစွာ မကြာ မကြာ

အသုံးမပြုလတ်။

 

”ဒုက္ခ က ပြောရေ

မင်းတစ်ယောက်ထဲ ဒုက္ခဟိမ့်စွာ မဟုတ်

အောင်မြင်ကျော်ကြား နိန်ရေလူတိ မှာလည်း

အိမ်ထောင်ရီး ဒုက္ခ ကျမ္မာရီးဒုက္ခ သားသ္မီး

ဒုက္ခ အတိုက်အခံတိ ကျော်လွှားရရေ ဒုက္ခ ဟိမ့်နိန်ရေ

ငါစွာ လူသားတိ အားလုံးပါးကို ရောက်ဖူးရေ

ငါ့ကို ကြည့်ပြီး စိတ်မဆင်းရဲကတ်ကေ့လတ်။

 

”အလွမ်းက ပြောရေ

မင်းလွမ်းမနိန်ပါကေ့ လွမ်းနိန်လည်း ဟိုးအချိန်က

ပျော်ရွှင်စရာ ကောင်းစွာတိ ကို ပြန်မရယာ

မင်းလွမ်းနိန်လည်း တစ်ဖက်က လွမ်းလိမ့်မယ်

မထင်ကေ့ ပျော်ရွှင်ကြည်နူးနိန်စွာ ငါမြင်နိန်ရေ

မလွမ်းသင့်ရေလူ ကို မလွမ်းပါကေ့

ယေစုနင့် မင်းရင်ထဲက အလွမ်းဆိုရေ ငါ့ကို

မခေါ်ပါကေ့ဖိ။

 

”အချိုက် က ပြောရေ

ချိုက်ပါ ချိုက်သင့်ချိုက်ထိုက်ရေသူကိုရာ ချိုက်ပါ

မထိုက်တန်ရေ သူကို ဥပေက္ခာပြုလိုက်ပါလတ်။

 

ယေမှသာ လျှင် ပျော်ရွှင်ခြင်း က မင်းနင့် ရာသက်ပန်

ဟိမ်နိန်လိမ့်မေလတ်။

 

ကြေကွဲခြင်း က ​ပြောရေ

ငါလာစရာ မလိုယာ နမ်းလတ်။

 

နာကျင်ခြင်း ကလည်း ပြောရေ

ငါလည်း လာစရာ မလိုယာနမ်းလတ်

 

AwngMyint Twan (ကျိန်းရိပ်မြီ)

 

{ကျောက်ဖြူသူ သို့ အလွမ်း.....}

*******************************

တွိ့ဆုံခရ တနားချေ

ရင်မှာ စွဲလမ်းရေ

 

ကျောက်ဖြူသူနန့်တွိ့မှ ရင်ခုန်ရ 

ချိုက်ခလီသမျှ ထာဝရ။

 

အကိုယ့်ရင်မှာ မိမရ

ကျောက်ဖြူ သူသျှေအလှ။

 

အချိုက်ကမ္ဘာ မှာ

သစ္စာတိုင် လို့

ချိုက်ခဖူးရေ

ကျောက်ဖြူ သူသျှေ။

 

နှင်းဖြောက်ဖြောက်နန့်

ပင်လယ်ပြင် က

ရီငွိ့တက်ကေ

ကျောက်ဖြူသူ ကို

ပေါ်လွမ်းရေ။

 

ဆံကယ်သာ ဗဒုံးရောင်နန့်

သမင်ပျိုမက်လုံး

သုံးရက်လ မျက်းခုံး

နှာတန်သျှေ သွယ်ဗျာယ်ဆင်းလို့

နှင်းဆီရောင်း နခွမ်းသျှေနန့်

အကိုသျှေ ရင်မှာစိုးမိုးထားခလီလား

ကျောက်ဖြူ သူသျှေ။

 

အကိုယ့် ရင်ခွင်

အချိုက်ကမ္ဘာ မြီပြင်ထက် မှာ

သစ္စာပန္နက် ကို ရိုက်ပြီး

ဖြူစင်ရေ အချိုက်မိတ္တာတရားက

ခိုင်မာရေ သံယောဇဉ်နောင်ကြိုးနန့်

ထာဝရ ချိုက်နိန်လျှက်ပါ

ကျောက်ဖြူ သူသျှေ။

 

တယုတယ နန့်

အမြတ်တစ်နိုး တန်ဖို့ထား

ချိုက်ခရရေ 

ကျောက်ဖြူသူ ကို

ကံကြမ္မာ ကြောင့်မလှခွဲခွာရကေလည်း

ကံမကုန်ကေ ကြန်ဆုံပါရဇီ လား

ကျောက်ဖြူ သူသျှေ ။

 

                     ✍။။။  ရခိုင်လူမျိုး - AwngMyint Twan 

                         (ကျိန်းရိပ်မြီ)

 

                         (December)

                          (16/2022)

 

”အပြစ်ဟိမ့်____လား....”

***************************

 

အတွယ်တာ 

အကြင်နာ ကို

 

ဇာအရာလည်း ပစ်ခွာလို့မရ

အကျွန် မသိ

 

ဝဋ်ဟိလီသမျှ 

ချိုက်နိန်ရပါသလား

 

နှလုံးသားမှာ  အနာတရ

ထာဝရ      ဖြစ်တည်

 

အဂုခါ     အကျွန်ချိုက်မိ

အပြစ်ယှိလား.....

 

ရခိုင်လူမျိုး -- AwngMyint Twan ( ကျိန်းရိပ်မြီ )

 

( ရာသီအလွမ်း)

****************

”မိုးဝဿန် ကူးပြောင်း

ဆောင်းလည်း ရောက်လာဗျာယ်။

 

”ထက်နန်းဝဠာထက် မှာ

ပြာရီ အုံစစိုင်းနန့်

တောင်လီ မြောက်လီ က တိုက်

ငွီရောင်ပုလဲပမှာ

နှင်းမှုံတိ အုံမမှိုင်းချေနန့်.....

 

ဆောင်းအလှသူချေ ပန်ဆင်ဖို့

တော်ဝင်သဇင်ပန်းလည်း ပွင့်လို့လာ ဗျာယ် ။။။

 

ရာသီလိုက် ဖူးငုံပွင့်

နှင်းငွီရီ တိ ခြုံကာဖြန်းဗျာယ်

လီပြီတိုက်လို့ ယိုင်းကာနိန်..

လန်းဆန်းဗျာယ် ကြိုင်လှိုင်းသင်း

ငွီရောင်အဆင့်နန့်…

 

တွိမြင်ရသူတိုင်း ကို 

ဘဝင်အီးမြအောင်ဆောင်နိုင်သူ ။။။

 

နွီရာသီ ပင်တကာတိုင်း မှာ

ရွက်ဟောင်းရို့ဝင်းဝါစပြု ဗျာယ်

လွမ်းစရာကောင်း ရေ နွီတပေါင်း မှာ

 

ကျီးငှက် သာလိကာရိုက 

တစ်သောင်းသောင်းနန့် ပျော်မြူးဗျာယ်

သာမိုးဖွယ် ကောင်းရေ

ဒေဆောင်းကာလ က

လွမ်းစရာပါ။။။

 

✍။။။ ရခိုင်လူမျိုး - AwngMyint Twan (ကျိန်းရိပ်မြီ)

 

(ပီးဆပ်ရုံသာ)

***********

နွီဦးမှာ 

လီရူးတိုက်လို့

လွင့်ကြွီလာရေ 

သစ်ရွက်ခြောက်က

မြီကြီးပြင်မှာ

ခြောက်ကပ်ပနာ

မြီသြဇာအဖြစ် 

ပီးဆပ်လားရေ။

 

အီးမြရေ ဆောင်း

နှင်းငွိ့တိ က

လောကကြီးကို

သာယာလှပဖို့

ပန်းတကာကို

သန္ဒေတေပြီး

နို့ရေအဖြစ် 

ပီးဆပ်လားရေ။

 

မိုးမှာ ကြွီရေ

မိုးရီတိက

ပင်တကာကို

ဟှင်သန်ကြီးထွားအောင်

ခွန်အားအဖြစ်

ပီးဆပ်လားရေ ။

 

 ရခိုင်လူမျိုး - AwngMyint Twan(ကျိန်းရိပ်မြီ)

 

{အမင်}

 

ဇာဘုံ ဇာဘဝ 

ဇာဌာနီ က လာမှန်းမသိ

အကြင်နာ မိတ္တာ ကြီးမားစွာဖြင့်

လက်ခံပီးရေ 

အမင်...

 

အကြင်ရာတရား မိတ္တာ ပွားဗျာယ်

မရဏလမ်း မှာ ထပ်ကာလဲလဲ ဖြတ်ကာလျှာက်လည်း

ကြီးမားမိတ္တာ ဂရုဏာ ဖြင့်

ဤဘတ္တကမ္ဘာ ဒေလုရွာမှာ

လူဖြစ်ခွင့်ပီးရေ 

အမင်...

 

ဖဝါးလက်နှစ်လုံး

ပက်ခုံး လက်နှစ်ဆစ်

နို့ချိုတိုက်ပီး ပြုစုပီးလည်း

ယုယကြင်နာ ချိုက်မိတ္တာနန့်

လိမ္မာရေးဂျား လူလားမြောက်အောင်

ပြုစုပျိုးထောင် ပီးရေ ဂရုနာအရှင် 

အမင်...

 

လ ​ရောင်ပမာ ထွန်းလင်းဗျာယ် 

ကမ္ဘာကို တုနှိုင်းလို့တွန်းလှန်

သားသ္မီးအတွက် အလင်းရောင်ပီးရေ အကြင်နာရှင်

အမင်...

 

မွီးသော အမင် ကျေးဇူးရှင်

ကြီးမားမိတ္တာ မြင့်မိုရ်ပမှာ

ကျေးဇူးဇာခါ ဆပ်မကုန်ပါ

အမင်...

 

✍။။AwngMyint Twan

                         {ကျိန်းရိပ်မြီ}ရက္ခိုင့်လူမျိုး

 

   14/9/2023- (​ကောက်စရီ) 

                    *************

                      ”​ကောက်စရီ ပင်ပျို

                       ရီပြင်ထက်မှာ

                       ဖွားလို့ပေါ်

 

                       ”ဖွားလီ ဖွားလား

                       လီတိုက်ရာ ကို

                       ပါးလို့ လား ။

 

                       ”ပါးလီ ကွာလီ

                        ချောင်းရီပြင် မှာ

                        မျိုးလို နိန် ။

 

                        ”ကမ်းကိုရာ မရ

                        မျိုးမချ ရ

                        ရီပြင်ထက် မှာ

                        သူ့ဒုက္ခ ။

 

                       ”တက်ရီ ကျရီ

                        လိုက်လို့နိန်

                        ပင်လယ် ထဲမှာ

                        မျိုးတုံး လီ... လည်း...

                        မျိုးတုံး...လီ...။

   

 

                        ✍။။AwngMyint Twan

                         {ကျိန်းရိပ်မြီ} ရက္ခိုင့်လူမျိုး

 

{မှိုဟင်းခူးဇောင်လားဂတ်မေ}

______________________

 

လာလည် ရောက်မလည်

 

မှိုဟင်းခူးဇောင် လားဂတ်မေ ။

 

မှိုဟင်းလည်းယှာ

 

ဂြစ်လည်းယှာ

 

ပြားစပ်နား မှာ

 

သောင်းသောင်း ဖြာ ။

 

ဂြစ်သျှေလည်း ရ

 

ဖြားလည်း ကျ

 

အိမ်ပြန်ဂတ်မေ မေရို့လည် ၊

 

လောင်းသျှေပေါက်စ 

 

မေရို့တက်ဂေ တယယ လေ...

 

တ ယ ယ.....။

 

                          ✍။။ AwngMyint Twan

                         {ကျိန်းရိပ်မြီ}ရက္ခိုင့်လူမျိုး

 

17/9/203

 

”ရွာဦးကျောင်းမှာတွိဂတ်မေ”

~~~~~~~~~~~~~~

 

”ကိုယ့်ရပ်ဌာနီ

မွီးရပ်မြီ

မရောက်စော်ကြာလို့ 

လွမ်းရသည်။

 

”တတူပျော်ပါး 

ငယ်ပေါင်းရို့နန့်

စာကျက် စာဆို

ပြိုင်တူဆိုခ

ဒေကျောင်းကြီးမှာ

သင်ကြား ပို့ချ 

ဆရာတော် က

ဆိုဆုံးမ။

 

တုံးခေါင်းလည်းခေါက်

အာရုံရောက်

ရှင်တော်ဘုရား ယှိတော်ပါး

ပြုကာဘုရားဝတ် ကျင့်ကာဖတ်လို့

ငယ်ကအပေါင်း

ငယ်ဖော်ဟောင်းရို့

ပြန်ဗျာတခေါက် ရွာကိုရောက်လို့

ရွာဦးကျောင်း မှာ တွိဂတ်မေ။

 

စက်တင်ဘာ-25-2023

✍။။AwngMyint Twan-ကျိန်းရိပ်မြီ-ရခိုင်လူမျိုး 

 

”အ ကြွီ ပန်း”

 

ဖူး ပွင့် နွမ်း ကြွီ

ပန်းချီရီ...။

 

သဇင်ပန်းပိုင် ပင်မြင်မှာနိန်

တော်ဝင်ပန်းကား မဟုတ်

အကြွီပန်း ဆိုကေလေ့ 

ရွှီနန်းကားထိုက်ချင်ရေ။

 

ဝီလွင့်ကြွီရ မြီမှာကျ

ကြွီကေလည်းမွှီး နွမ်းလည်းမွှီး

ခြောက်ကပ်ကေလည်း မွှီးတုန်းရာ။

 

မိုးထအာရုံ လီဗွီဝိ့မှာ ကြွီကျရရေ ပန်းချီရီ

ကောက်ယူလို့ စီကုန်း

ဘုရားမှာလည်း တင် 

ဂေါင်းမှာလည်း ဆင် 

ပန်းဘုရင်ကား မဟုတ်ကေလည်း

ဝတ်မှုံမပါလို့ အနံ့ကခိုင်မြဲ

နွမ်းကေလည်း သိမ်းထားပါအုံး.....။

 

                                    ✍။။။ ရခိုင်လူမျိုး-AwngMyint Twan(ကျိန်းရိပ်မြီ)